Opið hús í félagsheimili Sjálfstæðisfélags Garðabæjar á morgun, laugardaginn 6. mars milli 11 og 13.

Í tilefni af þjóðaratkvæðagreiðslu um Icesave-samninginn verður opið hús í félagsheimilinu okkar á morgun, laugardaginn 6. mars milli kl. 11 og 13.  Sjálfstæðismenn eru hvattir til að fjölmenna, ræða málin og fá sér léttar veitingar.

Kosið verður í Fjölbrautarskólanum í Garðabæ milli kl. 9.00 og 22.00.

Stjórn Sjálfstæðisfélags Garðabæjar.

Nýr leikskóli í Akrahverfi

Lögð hefur verið áherstla  á að börn í Garðabæ komist í leikskóla þegar þau ná 18 mánaða aldri og hefur bærinn verið í forystu sveitarafélaga á höfuðborgarsvæðinu hvað þetta varðar. Í Akrahverfi hefur barnafjölskyldum fjölgað meira en áætlanir gerðu ráð fyrir. Bæjarvöld hafa ákveðið að bregðast við þessu og flýta byggingu leikskóla í hverfinu. Ný þriggja ára áætlun gerir ráð fyrir því að hönnun og útboð fari fram á þessu ári og að nýr leikskóli í Akrahverfi taki til starfa á næsta ári. Leikskólinn verður byggður á stórri og fallegri lóð við Línakur.

Frá Kjörnefnd

Kjörnefnd Sjálfstæðisfélaganna í Garðabæ, sem kosin var á fundi fulltrúaráðsins 7. janúar sl. er nú að störfum við að vinna úr niðurstöðu prófkjörsins sem fram fór 6. febrúar sl.
Miðar vinna kjörnefndar að því að klára tilnefningar á framboðslistann, m.a. með samtölum við frambjóðendur í prófkjörinu og fleiri aðila
Er stefnt að því að þessari vinnu nefndarinnar ljúki nú um mánaðamótin og að óbreyttu er stefnt að því að kynna framboðslista Sjálfstæðisflokksins, vegna bæjarstjórnarkosninganna 29. maí, á fundi fulltrúaráðs Sjálfstæðisfélaganna í annarri viku marsmánaðar. Sá fundur mun auglýstur sérstaklega

f.h. kjörnefndar,
Lúðvík Örn Steinarsson formaður

Sjálfstæðisfélag Garðabæjar býður í laugardagskaffi 27. febrúar kl. 11.00.

Sjálfstæðisfélag Garðabæjar stendur fyrir laugardagskaffi þann 27. febrúar kl. 11.00 í félagsheimilinu á Garðatorgi 7.  Yfirskrift fundarins er: Fyrirhuguð þjóðaratkvæðagreiðsla vegna Icesave – um hvað er í raun verið að kjósa?  Illugi Gunnarsson alþingismaður og Eiríkur S. Svavarsson lögmaður ræða málin og svara fyrirspurnum.

Kaffi og meðlæti, tónlist og notaleg stemmning. Allir velkomnir.